Елчӗк ялӗнчи "Шевле" ача садӗнче чӑваш культурипе чӗлхи эрнине ирттересси ырӑ йӑлана кӗнӗ. Хальхинче вӑл ака уйӑхӗн 25-мӗшӗнче пуҫланнӑ. Воспитательсем ачасене тематика занятийӗсенче чӑваш тӗррин орнаменчӗсемпе, республика элемӗсемпе, тӑван тӑрӑхӑмӑрти паллӑ вырӑнсемпе паллаштарнӑ, чӑвашла хайлавсем вуланӑ, Иван Яковлев ҫинчен каласа кӑтартнӑ, унӑн калавӗсене те вуласа панӑ. Чӑваш культурипе чӗлхи эрни ачасем кӑтартса панӑ «Уяв» мероприятипе вӗҫленнӗ. Курма килнӗ хӑнасене уяв пурне те кӑмӑла кайнӑ.